افغانستان میں پولیو کے 50 کیسز، وائرس کی پاکستان منتقلی میں اضافہ

حکام کے مطابق پاکستان میں 2 ماہ کے دوران پولیو کے 40 سے 50 فیصد کیسز کا تعلق افغانستان سے نکلا جب کہ پاکستان میں رواں سال پولیو کے 9 اور افغانستان میں 50 کیسز رپورٹ ہوچکے ہیں۔

حکام نے بتایا کہ پاکستان سے بے دخل شہریوں کی غیرقانونی راستوں سے پاکستان واپسی پولیو کے پھیلاؤ کا بڑا خطرہ ہے۔

حکام نے مزید بتایا کہ ضلع خیبر میں رپورٹ ہونے والے تینوں پولیو کیسز کا جینیاتی تعلق افغانستان سے ثابت ہوا ہے جب کہ پاکستان میں سیوریج کے 29 نمونوں میں افغانستان سے آنے والے پولیو وائرس کی تصدیق ہوئی ہے۔

اس کے علاوہ افغانستان سے منسلک پولیو وائرس کراچی، جامشورو، راولپنڈی اور ملتان تک پہنچ گیا ہے۔