لاہور: بلوچستان فوڈ اتھارٹی کے وفد کی پنجاب فوڈ اتھارٹی کے ہیڈ آفس کا دورہ

بلوچستان فوڈ اتھارٹی سے آئے وفد نے پنجاب فوڈ اتھارٹی کے ہیڈ آفس کا دورہ کیا۔ ملاقات کے دوران دونوں صوبائی فوڈ اتھارٹیز کے درمیان فوڈ سیفٹی، معیار کی بہتری، لائسنسنگ، لیبارٹری ٹیسٹنگ اور عملے کی تربیت کے حوالے سے تبادلہ خیال کیا گیا۔

وفد کو پنجاب فوڈ اتھارٹی کے آپریشنل نظام، موبائل فوڈ ٹیسٹنگ لیبز اور شکایات کے ازالے کے طریقہ کار پر تفصیلی بریفنگ دی گئی۔

اس موقع پر دونوں اداروں نے مستقبل میں باہمی تعاون اور تجربات کے تبادلے کو مزید مضبوط بنانے پر اتفاق کیا تاکہ عوام کو محفوظ اور معیاری خوراک کی فراہمی کو یقینی بنایا جا سکے۔