وزیراعلیٰ سندھ کی ایک ماہ کی ڈیڈ لائن، منور چورنگی انڈر پاس مکمل نہ ہوسکا

مراد علی شاہ نے 27 فروری کو دورے کے دوران منور چورنگی انڈر پاس ایک ماہ میں مکمل کرنے کا حکم دیا تھا لیکن ایک مہینہ پورا ہونے پر جیو نیوزکے نمائندے نے دورہ کیا تو انڈر پاس کے مقام پر کھدائی کا کام جاری تھا جس میں مزید کئی ہفتے لگ سکتے ہی۔

انڈر پاس کے ٹینک مکمل کیے جانے ہیں، دیواریں تعمیر ہوں گی پھر چھت کا کام شروع ہوگا، پلستر، تزین و آرائش اور الیکٹرک نظام کے ساتھ ساتھ نکاسی اب کا نظام بھی بنے گا جب کہ انڈر پاس میں 2 مقامات پر گیس سپلائی کی لائنیں بھی جوں کی توں موجود ہیں جن کی منتقلی ہونی ہے۔

واضح رہے کہ تعمیرات کے لیے کھدائی کی وجہ سے سڑک کے دونوں طرف آنے جانے کے لیے شہریوں کو 800 میٹر تک کا سفر کرنا پڑ رہا ہے اور ٹریفک کے مسائل اس کے علاوہ ہیں، اس انڈر پاس کا کام فروری سال 2025 میں شروع ہوا تھا۔