اسلام آباد: وفاقی دارالحکومت میں سیکیورٹی اقدامات کے تحت 13 اگست کو تمام ہائیکنگ ٹریل بند کرنے کا فیصلہ کر لیا گیا۔
وفاقی دارالحکومت میں یوم آزادی کی تیاریاں عروج پر پہنچ گئیں۔ اسلام آباد انتظامیہ نے کل 13 اگست کو تمام ہائیکنگ ٹریل بند کرنے کا فیصلہ کر لیا۔
یوم آزادی سے ایک دن قبل تمام تفریحی مقامات بند رکھنے کا نوٹیفکیشن بھی جاری کر دیا گیا۔ انتظامیہ کی جانب سے جاری کردہ نوٹیفکیشن کے مطابق لیک ویو پارک، شکر پڑیاں اور پاکستان مونومنٹ بھی عوام کے لیے بند رہیں گے۔
انتظامیہ نے شہریوں کو متبادل تفریحی منصوبہ بندی کرنے کی ہدایت کر دی۔ نوٹیفکیشن میں کہا گیا ہے کہ سیکیورٹی اقدامات کے تحت 13 اگست کو تمام ہائیکنگ ٹریل سیل کیے جائیں گے۔
