گھوٹکی: سندھ کے علاقے گھوٹکی میں فائرنگ سے 5 افراد جاں بحق ہو گئے۔
پولیس کے مطابق گھوٹکی کے سرحد تھانے کی حدود گنگی میں فائرنگ کا واقعہ پیش آیا۔ گاؤں جام بجار ساوند میں قبائلی تصادم کے دوران مخالفین کی جانب سے فائرنگ کی گئی۔
فائرنگ میں 3 افراد زخمی بھی ہوئے جنہیں اسپتال منتقل کر دیا گیا۔
پولیس کے مطابق ملزمان فائرنگ کرنے کے بعد موقع سے فرار ہو گئے جبکہ پولیس نے ملزمان کی تلاش کے لیے چھاپے مارنا شروع کر دیئے ہیں۔
پولیس کے مطابق واقعہ 2 قبائل کی دشمنی کا نتیجہ ہے اور گزشتہ روز بھی قادر پور کے علاقے میں سندرانی قبیلے کے ایک شخص کو قتل کر دیا گیا تھا۔
