صدر مملکت آصف علی زرداری نے سینیٹ کا اجلاس 9 اپریل کو طلب کرلیا۔
صدر آصف علی زرداری کی جانب سے سینیٹ کا اجلاس 9 اپریل منگل کی صبح 9 بجے طلب کیا گیا ہے۔
سینیٹ اجلاس میں نئے اراکین کی حلف برداری ہوگی اورساتھ ہی چیئرمین و ڈپٹی چیئرمین سینیٹ کا الیکشن بھی ہوگا۔
واضح رہے کہ گزشتہ دنوں ایوان بالا (سینیٹ) کی 30 نشستوں پر الیکشن کے بعد پیپلز پارٹی سب سے بڑی پارٹی بن گئی ہےجس کے سینیٹرز کی تعداد 24 ہے۔
پی ٹی آئی کے سینیٹرز کی تعداد 19 جبکہ مسلم لیگ ن کے سینیٹرز کی تعداد بھی 19ہے۔
پاکستان پیپلزپارٹی نے سینیئر رہنما اور سابق وزیر اعظم یوسف رضا گیلانی کو چیئرمین سینیٹ نامزد کیا ہوا ہے۔
