ٹول پلازہ پر آپے سے باہر ہونے کے بعد موٹروے افسر پر گاڑی چڑھانے والی خاتون کو پولیس نے گرفتار کرلیا۔
تفصیلات کے مطابق پولیس نے بتایا کہ واقعے میں ملوث خاتون کو اسلام آباد سے گرفتار کیا گیا، خاتون کی موٹروے پولیس سے تلخ کلامی کے بعد اس پر گاڑی چڑھانے کی ویڈیو سوشل میڈیا پر وائرل ہوئی تھی۔
موٹروے پولیس افسر کی مدعیت میں 2 جنوری کو مقدمہ درج کیا گیا تھا، خاتون کے خلاف 4 دفعات کے تحت مقدمہ نصیرآباد پولیس اسٹیشن میں درج کیا گیا۔
خاتون کو موٹروے پولیس اہلکاروں نے تیزرفتاری کے باعث ٹول پلازہ پر روکا تھا۔ گرفتاری سے بچنے کے لیے خاتون روپوش ہوگئی تھی۔
