کوئٹہ: ماڈل ٹاؤن ایف سی ہیڈکوارٹر پر حملے میں ملوث دو دہشت گردوں کی شناخت ہوگئی ہے ایک کا تعلق ضلع چاغی جبکہ دوسرے کا میزئی اڈا سے ہے
کوئٹہ : —صوبائی دارالحکومت کوئٹہ کے علاقے ماڈل ٹاؤن میں ایف سی ہیڈکوارٹر پر ہونے والے حالیہ دہشت گرد حملے میں ملوث دو دہشت گردوں کی شناخت کر لی گئی ہے۔ محکمہ انسدادِ دہشت گردی (سی ٹی ڈی) کے ذرائع کے مطابق، دونوں دہشت گردوں کی شناخت نادرا نے فنگر پرنٹس کے ذریعے کی۔ ایک دہشت گرد کا تعلق میزئی اڈہ جبکہ دوسرے کا تعلق ضلع چاغی سے بتایا جا رہا ہے۔ ذرائع کا کہنا ہے کہ دیگر ہلاک شدہ دہشت گردوں کے اعضا کو فرانزک معائنہ کے لیے پنجاب بھجوا دیا گیا ہے تاکہ ان کی حتمی شناخت عمل میں لائی جا سکے۔
