کوئٹہ کے علاقے سریاب سے تعلق رکھنے والے 18 بچے مضر صحت بسکٹ اور آئسکریم کھانے کے باعث طبیعت بگڑنے پر سول ہسپتال کوئٹہ کے چلڈرن ایمرجنسی منتقل کیے گئے۔
میڈیکل سپرنٹنڈنٹ سول ہسپتال کے مطابق متاثرہ بچوں میں سے 5 کو ابزرویشن وارڈ میں رکھا گیا ہے جبکہ 13 بچوں کو ابتدائی طبی امداد فراہم کرنے کے بعد گھر روانہ کردیا گیا۔
ایم ایس سول ہسپتال ڈاکٹر ہادی کاکڑ کا کہنا ہے کہ بچوں کی حالت خطرے سے باہر ہے۔
