ترکیہ، ہوٹل میں آگ لگنے سے 76 افراد ہلاک 50 سے زائد زخمی
ترکیہ کے علاقے بولو میں تفریحی مقام پر واقع ایک ہوٹل میں آگ لگ گئی، حادثے میں 66 افراد ہلاک اور 51 سے زیادہ زخمی ہوگئے۔انقرہ سے ترک حکام کے مطابق ترکیہ کے شمال مغربی صوبے بولو کے کروگلو کے پہاڑی علاقے میں 12 منزلہ ہوٹل کرتالکایا میں آگ گذشتہ رات لگی۔
آگ ہوٹل کے ریسٹورنٹ سے شروع ہوئی اور دیگر منزلوں تک پھیل گئی۔لوگوں نے کھڑکیوں سے کود کر جان بچائی ۔بتایا جارہاہے کہ ہوٹل میں 238 مہمان موجود تھے۔
ترک وزارت داخلہ کے مطابق کئی گھنٹوں کی کوشش کے بعد آگ بجھا دی گئی اور کولنگ کا عمل جاری ہے۔
حکام کے مطابق حادثے میں زخمی ہونے والوں کا نزدیکی ہسپتالوں میں علاج جاری ہے، آگ لگنے کی تحقیقات کی جا رہی ہیں۔
