کوئٹہ: وزیراعلی بلوچستان میر سرفراز بگٹی نے سماجی رابطے ویب سایٹ ایکس پر اپنے بیان میں کہا ہے کہ شعبہ صحت کی سہولیات کے لیے 67.3 بلین روپے تجویز کئے گئے ہیں جو 30 فیصد اضافہ ہے۔صحت کے ترقیاتی بجٹ کا تخمینہ 20 بلین روپے ہے صحت کارڈ کے لیے بجٹ میں 5.5 ارب روپے مختص کیے گئے ہیں ۔کینسر کے مریضوں کو مفت ادویات کی فراہمی کے لیے 582 ارب روپے مختص کیے گئے ہیں تعلیم: اسکول کی تعلیم کے لیے کل بجٹ کا 12.7 فیصد حصہ مختص کیا ہے جس کا حجم 118.5 بلین روپے بنتا ہے۔گریڈ 9 سے 15 تک پہلے سے موجود 9394 اساتذہ کی خالی آسامیوں کو میرٹ کی بنیاد پر تعیناتی کی جائے گی کالجز اور ہائیر ایجوکیشن کیلئے پہلی مرتبہ جامعات کے گرانٹس کو 100 فیصد بڑھا کر 5 بلین روپے کرکے وفاقی حکومت کے گرانٹ سے زیادہ کردیا۔
