راوی کی طرح ملیر ندی نے بھی اپنی زمین واگزار کی، شاہراہ بھٹو کو بہالےگئی: ایم کیو ایم

ایم کیو ایم پاکستان کی جانب سے جاری بیان میں کہا گیا ہے کہ سندھ حکومت نے شاہراہ بھٹو کو بنانے میں عالمی اداروں کی انوائرمینٹل اسسمنٹ کو یکسر نظر انداز کیا، دریائے راوی کی طرح ملیر ندی نے بھی اپنی زمین واگزار کی، اور شاہراہ بھٹو کو اپنے ساتھ بہا لےگئی۔

ایم کیو ایم پاکستان نے کہا کہ 12 ارب روپے کی لاگت سے بننے والی نیو حب کینال 12 ہفتے بھی قائم نہیں رہ سکی۔

یاد رہے کہ گزشتہ روز کراچی میں ہونے والی بارش سے شاہراہ بھٹو کا کچھ حصہ پانی میں بہہ جانے کی ویڈیو سوشل میڈیا پر وائرل ہوئی تھی۔