انڈونیشیا میں سرکاری شاہ خرچیوں کیخلاف کامیاب احتجاج، حکومت نے گھٹنے ٹیک دیئے

جکارتہ: انڈونیشیا میں عوام نے حکومتی شاہ خرچیوں کے خلاف کامیاب احتجاج کر کے حکومت کو پیچھے ہٹنے پر مجبور کر دیا۔

غیر ملکی خبر رساں ایجنسی کے مطابق انڈونیشیا میں حکومتی شاہ خرچیوں کے خلاف عوام سڑکوں پر نکل آئی۔ جس کے بعد دباؤ میں آکر انڈونیشیا کے صدر نے اراکین پارلیمنٹ سے مراعات واپس لینے کا اعلان کر دیا۔

کامیاب احتجاج کے بعد سیاسی جماعتوں میں مراعات اور خصوصی سہولتیں بھی ختم کرنے پر اتفاق ہو گیا۔

انڈونیشیا کے صدر سبیانتو نے کہا کہ فسادیوں اور لوٹ مار کرنے والوں کے خلاف سخت کارروائی کی جائے گی۔

واضح رہے کہ حکومتی مراعات کے خلاف احتجاج کے دوران 5 افراد ہلاک ہو گئے۔ جبکہ مظاہرین نے سیاسی رہنماؤں کے گھروں اور سرکاری تنصیبات کو بھی آگ لگا دی تھی۔