کراچی: بحیرہ عرب میں موجود سمندری طوفان ’شکتی‘کمزور ہونے لگا۔
محکمہ موسمیات کے مطابق سمندری طوفان ’شکتی‘ کراچی سے تقریباً 910 کلومیٹر دور ہے اور 24 گھنٹوں کے دوران سمندری طوفان شکتی مزید کمزور ہو کر ڈپریشن بن جائے گا۔
محکمہ موسمیات کا بتانا ہے کہ طوفان کے مرکز کے قریب ہوا کی رفتار 80 سے 90 کلومیٹر فی گھنٹہ تک ہے، سمندری طوفان کے زیرِ اثر آج سندھ اور بلوچستان کے ساحلی علاقوں میں ہلکی بارش متوقع ہے۔
محکمہ موسمیات کے مطابق طوفان کےزیراثر سمندر میں لہریں بلند رہنے کاامکان ہے لہٰذا ماہی گیر 7 اکتوبر تک گہرے سمندر میں جانے سے گریز کریں۔
