شمالی وزیرستان میں مسافر وین الٹنے سے 14 افراد زخمی ہوگئے۔
پولیس کے مطابق یہ حادثہ شمالی وزیرستان کی تحصیل غلام خان میں پیش آیا جہاں تیز رفتار مسافر وین کے الٹنے سے 14 افراد زخمی ہوئے۔
پولیس کا کہنا ہےکہ حادثے کا شکار ہونے والے افراد شادی کی تقریب میں جارہے تھے کہ ان کی وین حادثے کا شکار ہوگئی۔
پولیس کا بتانا ہے کہ حادثے کی اطلاع ملتے ہی ریسکیو کارروائیاں شروع کردی گئیں اور زخمیوں کو قریبی اسپتال منتقل کردیا گیا ہے۔
