راولپنڈی سے اغوا کیے جانےو الے 10 سالہ بچے کو بہاولنگر سے بازیاب کروالیا گیا۔
پولیس کے مطابق ملزم نے 14 جولائی کو راولپنڈی سے بچے کو اغوا کیا تھا اور بچے کے اغوا کا مقدمہ تھانہ ویسٹریج میں درج کرایا گیا تھا۔
پولیس کے مطابق ڈی پی او کی ہدایت پربہاولنگر تھانہ بخشن خان پولیس نے کارروائی کرکے بچے کو بازیاب کرایا اور والدین کے حوالے کیا جب کہ اغوا میں ملوث ملزم کو بھی گرفتار کرلیا گیا ہے۔
پولیس کا کہنا ہےکہ گرفتار ملزم چشتیاں کا رہائشی ہے جو چوری ڈکیتی کے واقعات میں ملوث ہے۔
