بزنس
مقامی مینوفیکچررز کو استعمال شدہ گاڑیوں کی درآمد پر تحفظات، وزیراعظم نے اجلاس طلب کرلیا
اسلام آباد: وزیراعظم شہباز شریف نے استعمال شدہ گاڑیوں کی درآمد سے متعلق اجلاس آج شام طلب کرلیا۔
ذرائع کے مطابق اجلاس میں کمرشل، گفٹ اسکیم کے تحت استعمال شدہ گاڑیوں کی درآمد کا جائزہ لیا جائے گا، استعمال شدہ گاڑیوں کی درآمد کے اعداد و شمار پر بریفنگ دی جائے گی۔
ذرائع کا کہنا ہے کہ وزیراعظم استعمال شدہ گاڑیوں کی درآمد سے متعلق اہم احکامات جاری کریں گے، ریگولیشنز میں نرمی کے بعد استعمال شدہ گاڑیوں کی درآمد میں اضافہ ہوا ہے۔
ذرائع کے مطابق پاکستان نے ستمبر 2026 میں 2276 استعمال شدہ گاڑیاں درآمد کیں جبکہ مئی 2026 میں پاکستان نے صرف 48 استعمال شدہ گاڑیاں درآمد کی تھیں۔
حکومتی ذرائع کا کہنا ہے کہ مقامی مینوفیکچررز کو استعمال شدہ گاڑیوں کی درآمد میں اضافے پر تحفظات ہیں، امپورٹرز اس اقدام سے آٹو سیکٹر میں مسابقت بڑھنےکا امکان ظاہر کر رہے ہیں۔
