کوئٹہ: زیارت میں مسلح افراد کی جانب سے پولیس چوکی پر حملہ کیا گیا جس میں 9 اہلکار شہید ہو گئے۔
ایس پی زیارت کے مطابق مانگی میں مسلح افراد نے پولیس چوکی پر حملہ کیا، فائرنگ کے تبادلے میں 9 پولیس اہلکار شہید ہو گئے۔
ایس پی زیارت عبدالقدوس نے بتایا کہ شہید پولیس اہلکاروں کی میتیں ڈی ایچ کیو اسپتال منتقل کر دی گئی ہیں۔
انہوں نے بتایا کہ 5 پولیس اہلکاروں کو حملہ آور اپنے ساتھ بھی لے گئے، مغوی پولیس اہلکاروں کی بازیابی کے لیے اقدامات شروع کر دیے ہیں۔
