کوئٹہ میں تخریب کاری اور خاتون خودکش بمبار کے حملے کا خطرہ، انتخابی سرگرمیوں اور عوامی اجتماعات پر پابندی عائد

ڈپٹی کمشنر کوئٹہ نے انتخابات کے حوالے سے کوئٹہ کے تمام انتخابی حلقوں این اے 262 ، 263 ، 264 ۔ پی بی 38، 39، 40، 41، 42، 43 ، 44، 45، 46 میں سیکورٹی تھریٹ جاری کرتے ہوئے اعلامیہ جاری کیا ہے کہ مذکورہ تمام انتخابی حلقوں میں امیدواروں پر تخریب کاری، خاتون خودکش بمبار کے حملوں کے پیش نظر انتخابی سرگرمیوں پر پابندی عائد کردی گئی ہے۔ اس حوالے سے اعلامیہ جاری کیا گیا ہے کہ انتخابی امیدوار کسی بھی ناخوشگوار واقعے سے محفوظ رہنے کیلئے سیاسی سرگرمیوں، جلسے جلوس اور عوامی اجتماعات سے گریز کریں۔ ڈپٹی کمشنر کوئٹہ کی جانب سے نوٹیفکیشن جاری کردیا گیا ہے۔