کراچی: پاکستان بزنس فورم نے رمضان سے قبل وزیراعظم کو خط لکھ دیا۔
پاکستان بزنس فورم نے اپنے خط میں وزیراعظم شہباز شریف سے رمضان سے قبل ضروری اشیاء کی ذخیرہ اندوزی کنٹرول کرنے کا مطالبہ کیا ہے۔
پاکستان بزنس فورم کا کہنا ہے کہ حکومت سبسڈی دینے کی بجائے سرکاری نرخوں کو یقینی بنائے۔
صدرپی بی ایف خواجہ محبوب الرحمان نے کہا ہے کہ اس وقت چینی کی ذخیرہ اندوزی شروع ہوگئی ہے، مارکیٹ میں ذخیرہ مافیا سرگرم ہے اور مارچ کے ایڈوانس سودے ہورہے ہیں۔
پاکستان بزنس فورم نے چیف سیکرٹریز کو سخت میکنزم بنانے کا حکم دینے کا بھی مطالبہ کیا۔
