حکومت اور شوگر ملز مالکان کے درمیان دو روزہ مذاکرات کے بعد چینی کے ایکس مل ریٹ پر اتفاق ہوگیا۔
ذرائع کے مطابق مذاکرات میں چینی کا ایکس مل ریٹ 165 روپے فی کلو طے کیا گیا جس میں ہر ماہ 2 روپے فی کلو اضافے کی شرط بھی شامل ہے۔
ہفتے کے روز شوگر ملز مالکان نے وفاقی وزیر برائے غذائی تحفظ رانا تنویر سے مذاکرات کیے جبکہ اتوار کو نائب وزیراعظم اسحاق ڈار نے بھی مذاکرات میں شرکت کی۔
ذرائع کا کہنا ہے کہ صارفین کو نئے ایکس مل ریٹ کا فائدہ موجودہ اسٹاک ختم ہونے کے بعد ملے گا۔
