اسرائیل کی جانب سے غزہ پر تازہ فضائی اور زمینی حملوں میں مزید 81 فلسطینی شہید اور 422 زخمی ہو گئے۔
عرب میڈیا کے مطابق شہادتوں کا یہ سلسلہ غزہ سٹی، رفح اوردیگرعلاقوں میں جاری بمباری کے نتیجے میں پیش آیا، غزہ میں ایک گھر پرحملے میں 9 بچوں سمیت 20 افراد جاں بحق ہوئے۔
عرب میڈیا کا کہنا ہے کہ اکتوبر 2023 سے جاری غزہ جنگ میں شہید ہونے والے فلسطینیوں کی مجموعی تعداد 56 ہزار 412 تک جا پہنچی ہے، جن میں بڑی تعداد خواتین اور بچوں کی ہے۔
ادھر جنین کیمپ میں اسرائیلی افواج نے ایک فلسطینی شہری کا گھر دھماکے سے اڑا دیا جس کے باعث علاقے میں شدید خوف وہراس پھیل گیا ہے۔
اقوام متحدہ اورانسانی حقوق کی تنظیموں نے حملوں پر شدید تشویش کا اظہار کیا ہے۔
