راولپنڈی: سیکیورٹی خدشات کے باعث اڈیالہ جیل میں قیدیوں سے ملاقات پر 3 دن کے لیے پابندی عائد کر دی گئی۔
اڈیالہ جیل میں قیدیوں کی ملاقات پر پابندی کا اطلاق 15 مئی کی رات 12 بجے تک رہے گا۔ جیل ذرائع کا کہنا ہے کہ پابندی کا فیصلہ جیل کے اطراف میں سیکیورٹی خدشات کے پیش نظر کیا گیا۔
جیل ذرائع نے بتایا کہ پابندی کا اطلاق آئی جی جیل خانہ جات کے فیصلے کے بعد کیا گیا۔ جیل انتظامیہ کو جیل کے اطراف میں سرچنگ کرنے کی بھی ہدایت کر دی گئی۔
