پنجاب پولیس کے 6 سراغ رساں کتوں کو ریٹائر کر دیا گیا اور الوداعی تقریب میں ریٹائرڈ کتوں کومیڈلز اور تعریفی اسناد سے نوازا گیا۔
سراغ رساں کتوں کی 7 سالہ ملازمت کے بعد سبکدوش کی تقریب میں نجی تنظیم اور جانورں کے شوقین افراد نے شرکت کی۔
ریٹائر ڈ کتوں کو میڈلز اور تعریفی اسناد دی گئیں۔
ایڈیشنل آئی جی ذوالفقارحمید کا کہناتھاکہ سراغ رساں کتوں نے اپنی زندگیاں شہریوں کے جان ومال کے تحفظ کرتے ہوئے گزاری ہیں۔
پنجاب پولیس اور نجی تنظیم کے ایم او یو کے تحت ریٹائرڈ سراغ رساں کتوں کو نئے مالکان کے حوالے کیا گیا۔ مالکان کا کہناتھاکہ وہ ان کتوں کی دل وجان سے قدر اور دیکھ بھال کرینگے۔
پولیس حکام کا کہناتھاکہ شہریوں کو کتے گود دینے کا مقصد ریٹائرمنٹ کےبعد تحفظ اور اچھی زندگی فراہم کرنا ہے۔
