ملک کے سب سے بڑے شہر کراچی میں ہیوی ٹرانسپورٹ سے ایک اور حادثہ ہو گیا، شہر قائد کے علاقے شیریں جناح کالونی میں ٹینکر نے موٹر سائیکل کو ٹکر مار دی، جس کے نتیجے میں ایک شخص جاں بحق ہوگیا۔
ڈان نیوز کے مطابق پولیس نے بتایا کہ شیریں جناح کالونی میں ٹینکر کی ٹکر سے ایک شخص جاں بحق ہو گیا، جبکہ ٹینکر کو تحویل میں لے لیا گیا ہے، تاہم ڈرائیور فرار ہو گیا۔
واضح رہے کہ آج صبح کراچی میں ڈیفنس موڑ کے قریب واٹر ٹینکر کی زد میں آکر موٹر سائیکل سوار جاں بحق ہوگیا تھا، جس کی لاش کو جناح ہسپتال منتقل کردیا گیا تھا۔
