کوئٹہ کے علاقے کیچی بیگ سے لڑکے کی سربریدہ لاش برآمد
کیچی بیگ کے علاقے سے لڑکے کی سر کٹی لاش برآمد ہوئی ہے۔ پولیس کے مطابق کچھ فاصلے پر لڑکے کا سر بھی ملا ہے تاہم چہرے کو جانوروں نے نقصان پہنچایا جس کے باعث شناخت میں دشواری پیش آ رہی ہے۔
پولیس کا کہنا ہے کہ نامعلوم افراد نے لڑکے کا سر اور ایک ہاتھ جسم سے جدا کیا ہے، جبکہ لڑکے کا دوسرا ہاتھ تاحال لاپتہ ہے جس کی تلاش جاری ہے۔
لاش کو ضروری کارروائی کے بعد سول ہسپتال کوئٹہ منتقل کر دیا گیا ہے۔ پولیس نے واقعے کی مزید تحقیقات شروع کر دی ہیں۔
