اسلام آباد: ملک میں پیٹرولیم مصنوعات کی قیمتوں میں مزیدکمی کا امکان ہے۔
ذرائع کے مطابق 16 جنوی سے پیٹرولیم مصنوعات 4 روپے 59 پیسے فی لیٹر تک سستی ہونے کا امکان ہے۔
ذرائع کا کہناہےکہ پیٹرول 4 روپے 59 پیسے فی لیٹر سستا ہوسکتا ہے،ڈ یزل کی قیمت فی لیٹر 2 روپے 70 پیسے تک کم ہونے ہونے کا تخمینہ ہے۔
ذرائع کے مطابق مٹی کا تیل 1 روپے 82 پیسے اور لائٹ ڈیزل 2 روپے 8 پیسے فی لیٹر تک سستا ہوسکتا ہے۔
ذرائع کا کہناہے کہ اوگرا حتمی ورکنگ 15 جنوری کو پیٹرولیم ڈویژن کو ارسال کرے گا، حتمی فیصلہ وزارت خزانہ وزیر اعظم کی مشاورت سے کرے گی۔
یاد رہے کہ حکومت نے سال نو پر پیٹرول کی قیمت میں 10روپے 28 پیسے فی لیٹر جبکہ ڈیزل کی قیمت میں 8 روپے 57 پیسے فی لیٹر کمی کی تھی۔
