27 ویں آئینی ترمیم کیخلاف اپوزیشن کا شاہراہ دستور پر احتجاج

اپوزیشن اتحاد نے پارلیمنٹ ہاؤس سے مارچ کرتے ہوئے سپریم کورٹ تک احتجاجی مارچ کی کوشش کی تاہم پولیس نے آگے جانے سے روک دیا۔

اپوزیشن کے احتجاج میں بیرسٹر گوہر، اسد قیصر اور محمود خان اچکزئی سمیت اپوزیشن رہنماوں نے شرکت کی۔

اس موقع پر علامہ راجہ ناصر عباس نے میڈیا سے گفتگو میں کہا کہ متفقہ آئین کو متنازع آئین بنا دیا گیا ہے، آئین کی روح کے خلاف کوئی قانون سازی نہیں ہو سکتی، آئندہ جمعے کو یوم سیاہ منائیں گے۔