کوئٹہ بڑی بریکنگ نیوز: غیر ملکیوں کو شناختی کارڈ جاری کرنے کے الزام میں 3 نادرا افسر گرفتار
🔶 وفاقی تحقیقاتی ادارے (ایف آئی اے) کوئٹہ نے غیر ملکیوں کو غیر قانونی طور پر کمپیوٹرائزڈ قومی شناختی کارڈ (سی این آئی سی) جاری کرنے کے الزام میں نادرا کے 3 اہلکاروں کو گرفتار کر لیا ہے۔ گرفتار ہونے والوں میں کوئٹہ ریجنل ہیڈ آفس سے انور شاہ، اور چمن زون سے جونیئر ایگزیکٹو اختر شاہ اور خواجہ وقاص شامل ہیں۔
🔶 ایف آئی اے کے ذرائع کے مطابق، یہ اہلکار بھاری رقوم کے عوض غیر ملکیوں کو شناختی کارڈ فراہم کر رہے تھے، جس کے ذریعے وہ پاکستانی پاسپورٹ حاصل کر کے بیرون ملک، خاص طور پر سعودی عرب، سفر کر رہے تھے۔ اس فراڈ کا انکشاف اس وقت ہوا جب سعودی حکام کی جانب سے تحقیقات کے بعد کئی افراد کو حراست میں لیا گیا اور انہوں نے پاکستانی حکام کو باضابطہ طور پر اس معاملے کی چھان بین کے لیے آگاہ کیا۔
🔶 انکشافات کے بعد، ایف آئی اے حکام نے مذکورہ نادرا افسران کو بیان ریکارڈ کرانے کے لیے طلب کیا اور پوچھ گچھ مکمل ہونے کے بعد انہیں مزید تحقیقات کے لیے حراست میں لے لیا۔ یہ کارروائی قومی شناختی دستاویزات کی حفاظت اور ملک میں غیر قانونی تارکین وطن کی روک تھام کے لیے جاری مہم کا حصہ ہے۔
