گورنر پنجاب سردار سلیم حیدر خان نے رکن پنجاب اسمبلی سلمیٰ بٹ کو صوبائی وزیر مقرر کردیا اس حوالے سے باضابطہ حکم نامہ جاری کردیا گیا ہے۔
گورنر پنجاب کی جانب سے 21 اکتوبر 2026 کو جاری کردہ حکم نامے کے مطابق سلمیٰ بٹ، رکن صوبائی اسمبلی (ایم پی اے، ڈبلیو 307) کو آئین پاکستان کے آرٹیکل 132 کی شق (1) کے تحت صوبائی وزیر مقرر کیا گیا ہے۔
حکم نامے میں کہا گیا ہے کہ صوبائی وزیر کا منصب سنبھالنے سے قبل سلمیٰ بٹ گورنر پنجاب کے سامنے آئین کے آرٹیکل 132 کی شق (2) کے تحت حلف اٹھائیں گی۔
