کراچی سے سانگھڑ جانے والی بس اور کار کی ٹکر، بچے سمیت 5 افراد جاں بحق

ریسکیو حکام کے مطابق افسوسناک واقعہ سانگھڑ کے علاقے ٹنڈو آدم جھول روڈ پر پیش آیا جہاں کراچی سے سانگھڑ جانے والی مسافر بس کی کار سے ٹکر ہوگئی، حادثے میں کار میں سوار 4 افراد موقع پر ہی دم توڑ گئے۔

بعدازاں زخمیوں کو حیدرآباد منتقل کرتے ہوئے ایک اور زخمی خاتون دم توڑ گئی، جاں بحق ہونے والوں میں 2 مرد، 2 خواتین اور ایک بچہ شامل ہے جبکہ حادثے میں 2 خواتین اور 2 بچے زخمی بھی ہوئے۔

ریسکیو حکام کے مطابق واقعے کی اطلاع ملتے ہی امدادی ٹیموں نے فوری موقع پر پہنچ کر لاشوں اور زخمیوں کو اسپتال منتقل کیا جہاں زخمیوں کا علاج جاری ہے۔