کراچی میں خوشگوار موسم کے بعد اب گرمی پڑنے کا امکان ظاہر کیا گیا ہے۔
شہر قائد میں رواں ماہ مون سون بارشوں سے موسم انتہائی خوشگوار رہا اور بارشوں نے بھی خوب زور دکھایا مگر اب اکتوبر کی آمد سے قبل ہی گرمی پڑنے کا امکان ظاہر کیا گیا ہے۔
محکمہ موسمیات کا بتانا ہے کہ کراچی میں درجہ حرارت میں اضافے کا امکان ہے اور آئندہ 3 روز میں موسم گرم اور مرطوب رہ سکتا ہے۔
محکمہ موسمیات کے مطابق اتوار اور پیر کو درجہ حرارت 36 ڈگری سینٹی گریڈ تک پہنچ سکتا ہے تاہم شام میں سمندری ہوائیں بحال ہونے کا امکان ہے۔
اس کے علاوہ سندھ کے بیشتر مقامات پر آج موسم گرم اور مرطوب رہنےکا امکان ہے۔
