بلوچستان کے علاقے ہرنائی اور ملحقہ علاقوں میں جمعہ کو زلزلے کے جھٹکے محسوس کئے گئے لوگ کلمہ طیبہ کا ورد کرتے ہوئے گھروں سے باہر نکل آئے جمعہ کی دوپہر 2 بجکر 14 منٹ پر ہرنائی اور گردونواح میں ز لزلے کے جھٹکے محسوس کئے گئے۔ زلزلہ پیماہ مرکز کے مطابق ریکٹر اسکیل پر زلزلے کی شدت 3 اعشاریہ 6 ریکارڈ کی گئی جبکہ زلزلے کی گہرائی 15 کلو میٹر اور مرکز ہرنائی سے 45 کلو میٹر جنوب مشرق میں تھا۔ تاہم زلزلے سے کسی قسم کی جانی و مالی نقصان کی اطلاع نہیں ملی۔
