اسلام آباد: بانی پی ٹی آئی عمران خان کے خلاف ملک بھر میں درج مقدمات کی تفصیلات سامنے آگئیں۔
وزارت داخلہ کی رپورٹ میں بتایا گیا ہے کہ بانی پی ٹی آئی عمران خان پر ملک بھر میں درج مقدمات کی تعداد اب 188 تک پہنچ گئی ہے۔
اسلام آباد پولیس نے اپنی رپورٹ میں بتایا کہ وفاقی دارالحکومت میں بانی پی ٹی آئی کے خلاف 76 مقدمات درج ہیں۔
ایف آئی اے کی رپورٹ کے مطابق وفاقی تحقیقاتی ادارے میں عمران خان پر 7 مقدمات اور انکوائریز زیرالتوا ہیں، نیب میں بھی بانی پی ٹی آئی کے 3 مقدمات زیر التوا ہیں جب کہ توشہ خانہ فوجداری کیس میں سزا کے خلاف بانی پی ٹی آئی کی اپیل زیر التوا ہے۔
