وزیراعلیٰ پنجاب مریم نواز نے کہا ہے کہ یہاں تک پہنچنا میرے لیے آسان نہیں تھا، مجھے آگ کا دریا پار کرکے یہاں تک پہنچنا پڑا۔
پولیس ٹریننگ سینٹر چوہنگ میں خواتین اہلکاروں کی پاسنگ آؤٹ پریڈ کی تقریب میں انہوں نے بطور مہمان خصوصی شرکت کی۔ اس موقع پر وزیراعلیٰ پنجاب مریم نواز نے پولیس کی وردی میں پریڈ کا معائنہ کیا۔
مریم نواز کا کہنا تھا کہ پاسنگ آؤٹ پریڈ کی تقریب میں شرکت باعث فخر ہے، پاس آؤٹ ہونے والی بہنوں اور بیٹیوں کو مبارکباد پیش کرتی ہوں۔ ایسا لگتا ہے کہ میری محنت کامیاب ہوگئی، خواتین پولیس اہلکاروں کو چوکس دیکھ کرخوشی ہوئی۔
