کوئٹہ میں موٹر سائیکل پر خطرناک ون ویلنگ، ایک نوجوان جاں بحق
🔶 *کوئٹہ:* صوبائی دارالحکومت کوئٹہ میں موٹر سائیکل پر خطرناک ون ویلنگ کے دوران ایک نوجوان جان کی بازی ہار گیا۔
🔶 ذرائع کے مطابق جاں بحق ہونے والے نوجوان کا تعلق نواں کلی سے بتایا جا رہا ہے۔ یہ افسوسناک حادثہ مبینہ طور پر موٹر سائیکل پر ون ویلنگ کرنے کے دوران پیش آیا، جس کے نتیجے میں نوجوان شدید زخمی ہوا اور زخموں کی تاب نہ لاتے ہوئے جانبر نہ ہو سکا۔
🔶 واقعے کے بعد علاقے میں شدید تشویش اور افسوس کی لہر دوڑ گئی ہے، جبکہ عوامی و سماجی حلقوں نے نوجوانوں سے پرزور اپیل کی ہے کہ وہ ون ویلنگ جیسے خطرناک اور جان لیوا مشاغل سے مکمل طور پر گریز کریں تاکہ قیمتی انسانی جانوں کے ضیاع کو روکا جا سکے۔
🔶 واضح رہے کہ ون ویلنگ نہ صرف قانوناً ایک سنگین جرم ہے بلکہ یہ اپنی اور دوسروں کی جان کو دانستہ طور پر خطرے میں ڈالنے کے مترادف بھی ہے
