پنکی کیس کی تحقیقات جاری، ساؤتھ زون کے 20 پولیس اہلکار زون بدر

پولیس حکام کے مطابق طویل عرصے سے ڈسٹرکٹ ساؤتھ کےکچھ مخصوص تھانوں میں تعینات 20 اہلکاروں کی غیر سماجی سرگرمیوں، نظم وضبط کی خلاف ورزیوں میں ملوث ہونےکی نشاندہی ہوئی۔

حکام کا بتانا ہے کہ اہلکار بارہا اثر و رسوخ استعمال کرتے ہوئے ضلع جنوبی کے مخصوص تھانوں میں تعیناتی کرواتے رہے۔

واضح رہے کہ اس سے قبل پنکی سے رابطوں کے الزام میں سی ٹی ڈی کے 2 اہلکاروں کو حراست میں لیا گیا تھا۔

سی ٹی ڈی ذرائع کے مطابق دونوں اہلکار پنکی کے ساتھ رابطے میں رہتے تھے، حراست میں لیے جانے والوں میں اے ایس آئی کفیل اور ایک سپاہی علی شامل ہے۔