خیبرپختونخوا کے ضلع چارسدہ میں امتحان میں کامیاب ہونے والے بچے نے خوشی میں ہوائی فائرنگ کی۔ فائرنگ کے زد میں آکر اس کی والدہ جاں بحق ہوگئی۔
پولیس کے مطابق پاس ہونے کی خوشی میں تیسری جماعت کے طالبعلم نے اسکول سے گھر پہنچ کرپسٹل سے ہوائی فائرنگ کی، ہوائی فائرنگ کی زدمیں آکر بچے کی والدہ جاں بحق ہوگئیں، بچے کے والد کی مدعیت میں مقدمہ درج کرلیا گیا۔
دوسری جانب پشاور کے تھانا خزانہ کی حدود میں فائرنگ سے 3 افراد جاں بحق اور ایک زخمی ہوگیا۔ پولیس کے مطابق فائرنگ کا واقعہ رقم کے تنازع پر پیش آیا۔ ملزمان واردات کے بعد فرار ہوگئے۔
