بلوچستان فوڈ اتھارٹی میں نئے ڈائریکٹر آپریشنز کا تعارفی اجلاس

اجلاس کا آغاز سابقہ ڈائریکٹر آپریشنز جناب فخرالدین مری کے ابتدائی کلمات سے ہوا۔ اجلاس میں روزانہ کی کارکردگی رپورٹ، فوڈ سیفٹی کے نفاذ، آپریشنل کارکردگی میں بہتری اور عملے کے ڈسپلن پر تفصیلی تبادلہ خیال کیا گیا۔

اس موقع پر ہدایت جاری کی گئی کہ تمام آپریشنل ٹیمیں روزانہ 11 بجے فیلڈ آپریشن کے لیے روانہ ہوں گی تاکہ بروقت معائنے اور موثر کارروائی کو یقینی بنایا جا سکے۔

اجلاس میں ڈپٹی ڈائریکٹر (اے اینڈ ایف) جناب نصیب اللہ خان ناصر، ڈپٹی ڈائریکٹر آپریشنز (ہیڈ کوارٹر) ڈاکٹر ثناء اللہ زرکون سمیت تمام ٹیم لیڈرز اور آپریشنل ونگ کے اراکین نے شرکت کی۔