بلوچستان کے دارالحکومت کوئٹہ میں سیاہ کاری کے الزام میں ایک اور دلخراش واقعہ پیش آیا ہے۔ قمبرانی روڈ پر باپ نے مبینہ طور پر اپنی بیٹی اور بھانجے کو فائرنگ کر کے قتل کر دیا۔
پولیس کے مطابق فائرنگ کے اس واقعے میں نازنین اور غلام قادر جاں بحق ہو گئے۔ واقعے کے بعد ملزم عبد اللطیف موقع سے فرار ہو گیا، جس کی گرفتاری کے لیے کیچی بیگ تھانے کی پولیس ٹیم چھاپے مار رہی ہے۔
لاشوں کو قانونی کارروائی کے لیے ہسپتال منتقل کیا گیا، جہاں ضابطے کی کارروائی مکمل ہونے کے بعد میتیں ورثا کے حوالے کر دی گئیں۔
