صدر مملکت آصف علی زرداری کی جانب سے وزیر اعظم شہباز شریف اور وزیراعلیٰ خیبر پختونخوا علی امین گنڈاپور کی ملاقات کا خیر مقدم کیا گیا ہے۔
اپنے بیان میں صدر آصف علی زرداری نے کہا ہےکہ وزیر اعظم اور وزیر اعلیٰ خیبر پختونخوا کے درمیان ملاقات احسن شروعات ہے، یہی وقت ہےکہ ہم پاکستان کو درپیش اختلافات دور کرنےکا سوچیں۔
صدر زرداری کا کہنا تھا کہ وہ ہمیشہ پاکستان کو اولین ترجیح دینے کے حامی رہے ہیں، وقت آگیا ہے ہم لوگوں کو امید دلائیں کہ جمہوری عمل کام کرسکتا ہے۔
