بیوی کی ناراضگی سے تنگ شوہر نے مشروب میں زہر ملاکر سسرال بھیج دیا، سسر جاں بحق

نوشہرو  فیروز : ناراض شوہر نے بیوی بچوں سمیت سسر کو بھی زہر دے دیا۔

پولیس کے مطابق ملزم کی بیوی اپنے شوہر سے ناراض تھی جس نے طلاق لینے کیلئے  عدالت سے رجوع کیا تھا اور اس پر ملزم اس سے شدید ناراض تھا۔

پولیس نے بتایا کہ ناراض شوہر نے  پڑوسی کے بچے کی  معرفت سے  مشروبات میں زہر ملا کر  اپنی بیوی کے گھر بھیجا تھا۔

پولیس کے مطابق زہریلی مشروبات پینے سے ملزم کے سسر کی حالت غیر ہوگئی جس پر اسے اسپتال منتقل کیا گیا جہاں وہ دم توڑ گیا جب کہ ملزم کے بیوی بچوں کو تشویشناک حالت میں  کنڈیارو اسپتال سے طبی امداد کے بعد گمبٹ منتقل کیا گیا ان کی  حالت تاحال تشویشناک  ہے۔