اسلام آباد: وزیر اعظم شہباز شریف نے کہا ہےکہ معاشی حالات کی بہتری میں سیاسی اور عسکری قیادت کا باہمی تعاون اہم ہے۔
پاکستان اسٹاک ایکسچینج کی تقریب سے ویڈیو لنگ کے ذریعے خطاب کرتے ہوئے وزیراعظم نے کہا کہ مختلف صنعتوں کو سبسڈی اور ٹیرف میں ریلیف فراہم کیا گیا، مزید اصلاحات کی ضرورت ہے۔
انہوں نے کہا کہ معیشت میں ایکسپورٹ پر مبنی نمو دکھانا ہوگی جب کہ صنعت کاری اور برآمدات پر خصوصی توجہ دینا ہوگی۔
وزیراعظم کا کہنا تھا کہ آئی ایم ایف حکام بھی پاکستان کی معاشی پیشرفت کا اعتراف کررہے ہیں، معاشی حالات کی بہتری میں سیاسی اور عسکری قیادت کا باہمی تعاون اہم ہے، فیلڈ مارشل سید عاصم منیرنے معاشی استحکام کے سفر میں نمایاں کام کیا ہے۔
