کوئٹہ: وزیر داخلہ بلوچستان ضیاء لانگو نے کہا ہےکہ گوادر میں باڑ لگانے سے متعلق کوئی فیصلہ نہیں ہوا۔
ایک بیان میں صوبائی وزیر داخلہ نےکہا کہ غلط بیانی کے ذریعے ریاست اور نوجوانوں میں خلیج پیدا کی جارہی ہے،گوادرمیں باڑ لگانے سے متعلق کوئی فیصلہ نہیں ہوا۔
انہوں نے مزید کہا کہ گوادر سے متعلق فیصلے وہاں کے معتبرین اور عوام کی منشا ومفاد میں ہی ہوں گے، دشمن قوتوں کو گوادر اور سی پیک کی ترقی ہضم نہیں ہورہی۔
