ملک بھر میں فی تولہ سونے کی قیمت میں ایک مرتبہ پھر ہزاروں روپے کا اضافہ دیکھا گیا۔
تفصیلات کے مطابق بین الاقوامی مارکیٹ میں فی اونس سونے کی قیمت چھ امریکی ڈالر اضافے کے بعد 1973 امریکی کرنسی ہو گئی ہے۔
عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی، ملتان سمیت دیگر جگہوں پر فی تولہ سونے کی قیمت میں 5400 روپے کا اضافہ دیکھا گیا اور نئی قدر 226400 روپے ہو گئی ہے۔
