اسلام آباد: یورپ اور برطانیہ کے لیے پاکستانی ایئر لائنز پر عائد پابندی ختم ہونے کے امکانات پیدا ہو گئے۔
یورپی ایوی ایشن ایجنسی ایاسا نے قومی ایئر لائن (پی آئی اے) اور سی اے اے کا آن سائٹ سیفٹی آڈٹ مکمل کر لیا جبکہ یورپی ایوی ایشن ٹیم آڈٹ مکمل کرنے کے بعد پاکستان سے روانہ ہو گئی۔ پی آئی اے سمیت پاکستانی ایئر لائنز پر یورپ اور برطانیہ کی پابندی ختم ہونے کے امکانات روشن ہو گئے۔
ذرائع کے مطابق یورپی ایوی ایشن ٹیم کی رپورٹ مثبت آنے پر تمام پاکستانی ایئر لائنز پر پابندی ختم ہو جائے گی۔
