چارسدہ کی تحصیل شبقدرکے تھانہ سروکلی کی حدود میں دلہ زاک بائی پاس کے قریب فائرنگ کے افسوسناک واقعے میں میاں بیوی اوران کی کمسن بچی جاں بحق ہو گئے۔
پولیس کے مطابق فائرنگ کا یہ واقعہ شام کو پیش آیا، نامعلوم افراد نے گاڑی پراندھا دھند گولیاں چلائیں جس کے نتیجے میں تینوں موقع پرہی دم توڑگئے۔
پولیس کے مطابق جاں بحق افراد کا تعلق نحقی پشاور سے ہے اوروہ کسی عزیزسے مل کر واپس جا رہے تھے، پولیس نے واقعے کی تحقیقات شروع کردی ہیں۔
اطلاع ملنے پرپولیس اورریسکیو ٹیمیں موقع پر پہنچ گئیں اورلاشوں کو ضابطے کی کارروائی کے بعد پوسٹ مارٹم کے لیے مقامی اسپتال منتقل کردیا گیا ہے۔
