راولپنڈی: بلوچستان کے ضلع قلات میں سیکیورٹی فورسز کی کارروائی کے دوران 4 بھارتی اسپانسرڈ دہشتگرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان کے ضلع قلات میں خفیہ معلومات کی بنیاد پر آپریشن کیا۔ آپریشن بھارتی پراکسی فتنہ الہندوستان سے تعلق رکھنے والے دہشتگردوں کی موجودگی پر کیا گیا۔
آپریشن کے دوران فائرنگ کے شدید تبادلے میں 4 بھارتی اسپانسرڈ دہشتگرد مارے گئے۔ مارے جانے والے دہشتگرد علاقے میں متعدد دہشتگرد کارروائیوں میں ملوث تھے۔
