بلوچستان اسمبلی: لیویز فورس کی بحالی کا بل بھاری اکثریت سے پاس، سابقہ پوزیشن برقرار

کوئٹہ (اسپیشل رپورٹ):
بلوچستان اسمبلی میں صوبے کے روایتی اور اہم ترین حفاظتی دستے "لیویز فورس” کے حوالے سے ایک بڑا اور تاریخی فیصلہ سامنے آیا ہے۔ اپوزیشن کی جانب سے اسمبلی اجلاس میں لیویز فورس کو اس کی اصل اور سابقہ پوزیشن پر بحال کرنے کا اہم بل پیش کیا گیا۔
حکومتی ارکان نے بھی سیاسی اختلافات کو بالائے طاق رکھتے ہوئے اس بل کی بھرپور حمایت کی۔
ووٹنگ کی تفصیلات:
ایوان میں موجود کل 45 ارکان میں سے 42 ارکان نے بل کے حق میں ووٹ دیا، جس کے بعد یہ بل بھاری اکثریت سے منظور کر لیا گیا۔
مخالفت کرنے والے ارکان:
صرف تین ارکان نے اس بل کی مخالفت کی، جن کے نام درج ذیل ہیں:
عاصم کرد گیلو
ظہور بلیدی
خیر جان بلوچ
اگلا مرحلہ کیا ہوگا؟
بل کی منظوری کے بعد لیویز فورس باقاعدہ طور پر اپنی سابقہ پوزیشن اور اختیارات کے ساتھ بحال ہو گئی ہے۔ ذرائع کے مطابق، فورس کے انتظامی ڈھانچے اور مزید کمانڈ اینڈ کنٹرول کے حوالے سے مشاورت جاری ہے۔ تمام امور کو حتمی شکل دینے کے بعد اگلے چند روز میں حکومت کی جانب سے باقاعدہ نوٹیفکیشن جاری کر دیا جائے گا۔