نوابزادہ میر شاہ دین خان شاہوانی کی سربراہی میں عظیم الشان قبائلی جرگہ، متعدد دیرینہ تنازعات کا پُرامن تصفیہ
تخت ماڑی مستونگ
نوابزادہ میر شاہ دین خان شاہوانی کی سربراہی میں عظیم الشان قبائلی جرگہ، متعدد دیرینہ تنازعات کا پُرامن تصفیہ
تخت ماڑی، مستونگ میں چیف آف بیرک نوابزادہ میر شاہ دین خان شاہوانی کی سربراہی میں ایک عظیم الشان قبائلی جرگہ منعقد ہوا، جس میں مختلف قبائل کے مابین جاری دیرینہ تنازعات کو باہمی اتفاقِ رائے، روایتی قبائلی اقدار اور افہام و تفہیم کے ذریعے خوش اسلوبی سے حل کر دیا گیا۔
جرگے میں نوابزادہ میر شاہ دین خان شاہوانی کی امن پسند، مدبرانہ اور مخلصانہ قیادت میں اقوام "کرد، کلوئی اور محمدحسنی” کے درمیان جاری تنازعے کا مکمل اور مستقل تصفیہ کر دیا گیا۔ اسی طرح اقوام "شاہوانی اور مینگل” کے درمیان موجود اختلافات بھی خوش اسلوبی سے طے پا گئے، جبکہ "بنگلزئی اور شاہوانی” قبائل کے درمیان تنازعے کا فیصلہ کرتے ہوئے دونوں فریقین کو باہمی بھائی چارے، اتفاق اور محبت کے ساتھ شیر و شکر کر دیا گیا۔
جرگے کے شرکاء نے اس موقع پر نوابزادہ میر شاہ دین خان شاہوانی کی قیادت، دوراندیشی اور امن کے قیام کے لیے ان کی مسلسل کاوشوں کو سراہتے ہوئے کہا کہ قبائلی جرگے بلوچستان کی روایات کا اہم حصہ ہیں، جو معاشرتی ہم آہنگی، بھائی چارے اور پائیدار امن کے فروغ میں کلیدی کردار ادا کرتے ہیں۔
اس اہم جرگے میں ،ٹکری ملک بیگ شاہوانی ٹکری عبدالقیوم محمدشہی، ٹکری نور احمد قمبرانی، ٹکری محبوب احمد شاہوانی، ٹکری جہانزیب خان بنگلزئی، ٹکری عبدالحمید لہڑی، ٹکری بہار خان شاہوانی، ٹکری عبدالغنی محمدحسنی، ٹکری ظفراللہ بنگلزئی، ملک فاضل شاہوانی، حاجی ریاض شاہوانی، چیئرمین عزیز شاہوانی، وڈیرہ محمد ابراہیم سمالانی، حاجی سیف اللہ شاہوانی، میر مجید شاہوانی، ملک لطیف شاہوانی، ماسٹر لیاقت علی شاہوانی، حاجی عامر شاہوانی، نائب پاہند شاہوانی، حاجی دُر جان محمدشئی، حاجی محمد عثمان شاہوانی، حاجی دلیل شاہوانی، حاجی سمیع اللہ شاہوانی، بابو شاہوانی، منظور احمد شاہوانی، میر نادر مینگل، حاجی محمد رحیم شاہوانی، میر فوج علی بنگلزئی، ملک عطااللہ بنگلزئی، بابو ساول خان شاہوانی، میر سرور شاہوانی، عبدالصمد شاہوانی، اعجاز احمد شاہوانی، مختیار احمد شاہوانی، ماما جبار شاہوانی، غلام مرتضیٰ شاہوانی، رئیس خیر محمد شاہوانی، زبیر احمد بنگلزئی، ماما احمد جان شاہوانی، حکمت اللہ کاکڑ، بابل لہڑی، محمد عامر محمدحسنی، ارشاد احمد محمدحسنی، مفتی عبدالوحید شاہوانی، مقبول احمد شاہوانی، عبید اللہ شاہوانی، نور احمد شاہوانی، خلیل احمد شاہوانی، محمد عامر بنگلزئی، محمد عامر رئیسانی، حاجی نورالحق بنگلزئی، غلام فاروق کلوئی، ماسٹر کریم شاہوانی، بابل جان کلوئی، ماما اختر بنگلزئی، ولی محمد شاہوانی، ٹکری خیر جان شاہوانی، ماما عبدالواحد شاہوانی، حاجی عطااللہ شاہوانی سمیت مختلف قبائل کے معتبرین، عمائدین اور معززین کی کثیر تعداد نے شرکت کی۔
جرگے کے اختتام پر شرکاء نے اس عزم کا اظہار کیا کہ آئندہ بھی تمام قبائلی اور سماجی اختلافات کو باہمی مشاورت، رواداری اور روایتی جرگہ نظام کے ذریعے پُرامن انداز میں حل کیا جائے گا تاکہ علاقے میں امن، بھائی چارہ اور استحکام مزید مضبوط ہو۔
